去年開始股票市場最大變化係由宏觀（wide-angle macro view）轉向微觀（tightly-focused market），股價走企業純利之前，當人們知道今年上半年恒生銀行（011）純利出色，其實股價早已反映，因業績公布才入市者已吃了眼前虧。下半年經濟展望，企業純利仍可上升，但資金供應方面除美元及日圓仍唔加息外，其他貨幣都提升利率，資金供應漸緊。股市有如一隻受傷牛，雖然仍然前進，但好軟弱。下半年投資策略，除23000點以上沽貨、21000點入貨外，就係繼續選股，找尋領先股（leading stocks），放棄舊英雄。 股 價 反 映 的 仍 然 是 業 績 ， 是 利 潤 ， 業 績 好 的 股 不 必 擔 心 股 災 ， 更 是 趁 低 吸 納 的 好 時 機 ， 像 控 （ 005 ） 這 樣 的 低 PE 股 ， …
十多年百倍回報非不可能 曹仁超 – 投資者日記 美國，有人持有可口可樂、通用電器發達，近30年有人持有沃爾瑪及微軟發達。香港，1970、80年代係華資地產成長期，1990年代係華資地產成熟期。控踏入1990年代因收購英國米特蘭銀行出現「再發育期」，過去16年（1990至2006年）投資控回報不俗。選股正確加上時間，你心目中企業十多年內為你帶來100倍回報並非唔可能。 著名投資者彼得林治教我地：最好選股方法係動用眼、耳、口、鼻，而非聽信大行推介。例如1960年代畢非德自己喜歡飲可口可樂、睇《華盛頓郵報》，佢便買重可口可樂同華盛頓郵報股票（用口品嘗、用眼去睇）。今天可口可樂及《華盛頓郵報》為佢帶來極可觀回報。1980年代一位朋友代表香港一間工廠到外國接單，佢認為沃爾瑪經營方法極之成功，因此一有錢便買沃爾瑪股份；10年前佢打工工廠因遷入內地，而令佢冇份工，但佢唔擔心，因為佢投資沃爾瑪股份已足夠養佢過世。 留意上市公司所提供產品及服務，再用簡單常識分析，便可搵到絕佳投資機會。例如2003年7月內地開始自由行，唔少人投資本港零售股大大賺一筆。眼見內地房地產有價，投資本港上市內房股又賺一筆。只要平時多加留意行業趨勢你隨時打贏大行推介；多留意傳媒報道，亦係獲得靈感渠道。例如中央三年前支持造船業，去年則支持環保事業。大部分企業都擺脫唔到周期影響，學習冬天買草蓆、夏天買棉胎又係另一方法。 如果認為上述仍然太複雜，可以買內地金融股，因為金融乃百業之母，人民幣升值、中國GDP高增長支持下，內地金融股長期而言業績點會差？揀股三部曲：一、留意行業盛衰；二、企業管理係咪良好；三、唔好太高價追入。其實投資成功好簡單。 中國環保總局長潘岳向媒體通報，中國銀監會、中國人民銀行聯同國家環保總局公布「關於落實環保保護政策法規防範信貸風險意見」，對唔符合產業政策環境違法企業進行信貸控制，實行「綠色信貸」。 1950年代至今全球耕地只增加11％，但每畝產量卻上升120％。2004年全球五穀產量超過20億公噸，平均每人每天消耗卡路里，由戰前1848上升到今天2700。人類人均收入自戰後至今平均上升8倍，人口增長率則由六十年代以前2.2％一年降至依家1.1％。聯合國估計，到2050年全球人口超過90億，到時食物供應係點？植物學家Lloyd Evans估計，以每公頃產量3噸計，係無法支持上述人口需求，必須將產量由每公頃3噸提升到4噸，但人類農業科技能否43年內將食物產量提升30％，去應付未來人口增長？又或者人類與食物之間供求平衡會漸漸開始失衡？ 加拿大亞伯達省北部涉及1000億加元油砂投資，其中兩大項目由Enbridge Inc.及TransCanada Corp.進行，2009年完成，估計到時可令加拿大成為全球第二大產油國（僅次於沙地阿拉伯）。 金匡企業（286）、香港建設（190）、勤達集團（1172）、香港葯業（182）、安瑞科（3899）停牌。 ■海港企業（051）、利福國際（1212）、先施表行（444）8月8日；中海發展（1138）14日；中國海外（688）16日；兗州煤業（1171）17日公布業績。