今朝好乖仔, 10點開始做野, 除左食lunch 之外冇停手咁做野, 又冇心散….. 不過成果不多……..因為…..用左d 時間係 ant 既 build.xml 度…. 其實可以不用….. 做到3點多…出去mk, finalize 舊年既ayp expd, 係流動資金短缺下… 有少量熱錢流入….. 係starbucks 坐了一會… 很久沒有到starbucks 了…. 其實對於我呢d 草根階層黎講….都幾貴 🙂 不過, 如果cu 都好似 hku 有starbucks 既話… 我係一定會入去敗家幾下的…. 之後5:30係f.5 summer 義工組聚… 冇見4個月, 已經有2個轉左工, 一個出左黎做野, 反而最想轉工個個仲未轉 🙂 原來我每次都係有事早走的 ……真不好意思 又到了源和路練波….. 未有對策…. 反而聽說應林拍了dv …針對我們作出部署… hoho, 我都幾想問佢地攞個copy 🙂
仲係好high ~~ 訓唔著…..但又唔想做野… 真衰仔….
今晚真係好難忘 ~~ 成場比賽俾人lead 住黎打, 3 – 7 分差距, 自己有欠了點運氣, 射極都唔入, 唔係彈框…就係轉了幾圈轉返出黎…. 之前足球贏左, 男籃如果都贏既話就好有機會…… 自己不斷同自己講一定要贏, 一定贏 ………… 燥底的情況又出現返….. 開波之前已經同佢地嘈左好耐, 今次係都輪到佢地著龜背, 1st 你地轉波衫既色又唔問下其他宿撞唔撞, 我地想轉藍色, 問左五高撞先唔轉, 2nd 上次學生會盃擲公字, 我地輸左, 咁著lor, 今次都輪到你地著啦, 3rd, 你地話有主力唔得閒, 要改期, 我地大可唔改, 好, 我地有品既, 讓你full team 上陣, 俾足人情啦掛, 你仲好意思講乜野 “今次唔同上次架wor” “上手佢地做野唔關我地事” 個什麼堂主仲話”一件還一件” “咁樣唔公平” , 呵呵, 對你地公平得啦, 咁樣又對我地好公平啦, (咁上次我地著又好公平? 係你地唔開會, 唔com 邊間宿著乜色, 上次已經對我地唔公平, 都算, 我地忍, 今次真係唔會再讓) “咁我唔能夠代表我地既隊員接受架wor” (得, 咁你叫你地個隊長過黎) “隊長都唔可以代表全部隊員架wor ” (隊長都唔可以, 咁邊個可以呀 !! 咁要隊長仲乜呀? 咁球證唔會同隊長講野啦, 有d 乜都要直接同所有球員講啦 ? 咁你同我講仲乜gei, 我唔係隊長你都唔會埋黎同我傾啦, 宜家使唔使所有球員埋黎呀 ? 開個會, 投票啦 ! 好唔好 ?! 你d 隊員唔接受, 咁我d 隊員就要接受 ?!) 真係好火滾, 最後我直接同佢地講我地一定唔著, 冇得傾, 轉身行開 …… 人同人可以溝通, 談判去達到協議, 不過你係好難同一d “生命體”講野….. 最後的一節, 剛剛反先一分又俾人追回來….. 真係唔好受……. 到最後 6 秒, 輸1分, 阿牛射唔入, 開邊線波, 多得場邊既球員提醒, full court press, 其實自己那時候…還未意識到仲有幾多時間, 應該做乜野 ~~~ 之後oscar一個好好既press, 再加上一份大禮物送到黎~~~ yoyo ~ 1 分反勝 仲有4 – 5 秒, d 人睇得nba 太多了, 以為入左波就可以 timeout, 不過國際例係冇既….. 其實佢地唔應該仲有一秒開波, 係佢地個球員hold 住既波走去球證面前叫timeout .. 但係呢個時間係唔停錶既……. 完左, 大家都衝入場, 幾個人都哭了. 傻v, 你堅持既態度, 有回報的, 現在光明正大咁贏左了. 其他的, 不好意思, 看不清楚你們, 沒有向你們道謝, 因為我的眼睛有點液體流動著…. 真的, 多謝你地, 多謝你地咁支持男籃, 個個都落力打氣, ai 到冇聱. 很享受這種比賽的氣氛, 大家都為著一個艱難既目標進發. 勝利既喜悅並唔係凈係我地16個隊員分享既 ~~~ 很喜歡這間宿舍, 縱使內外都有點舊, warm 既感覺唔係o係d 新凈既傢俬就可以帶出黎的. 同同房聊開, 他說應該今年不會有遺憾了, 都已經殺入final, 與上年馬鞍山有天淵之別 今年進步了很多, 一來默契好了, 二來比舊年多左練習, 今年主力的得我呢個老鬼走, 下年佢地仲有好多人係度, 希望可以更進一步 ~~~ 搜索不到, 有點氣餒, 那無形的東西…..原來對我還是很重要的….. 那天晚上…..對某人隨心直說了自己觀察到小小野, 想不到對那人好認真的…好像想通了什麼, 希望你加油 ~~ 打好波 ~~~